Aider à s’aider
Amakuru
August 20, 2026Tariki ya 20/08/2026. abagenerwabikorwa ba Bureau social de Developpement (BSD) mu mushinga ugamije gutanga inguzanyo ziciriritse bo mu Murenge wa Rugendabari, mu Karere ka Muhanga, bahawe amahugurwa arebana n’uburyo bwo gukora imishinga ibyara inyungu. Aya mahugurwa agamije kongera ubumenyi bw’abagenerwabikorwa ku gukora imishinga ibyara inyungu kugirango bagire uruhare mu iterambere ry’umuryango.
Aya mahugurwa yateguwe muri gahunda yo guha ubumenyi abagenerwabikorwa bo mu mirenge yose BSD ikoreramo mu Turere twa Muhanga, Kamonyi na Nyamagabe. Agamije kubategura mu gukora neza imishinga ibyara inyungu, no gucunga neza inguzanyo ziciriritse kugirango imishinga bazakora izagire uruhare guteza imbere imiryango yabo n’igihugu muri rusange.
Amahugurwa yibanze ku byiciro byose byo gukora umushinga, guhera ku gitekerezo ubwacyo cy’umushinga kugeza ku cyiciro umushinga watangiye kubyara inyungu.
Mu byibanzweho mu mahugurwa, harimo ubumenyi ku gisobanuro nyirizina cy’umushinga, ibiranga umushinga mwiza, uburyo bwo gutegura umushinga hibandwa ku kuzuza ifishi y’umushinga, kubara igishoro no kugena igiciro, ubucuruzi bw’ibicuruzwa bisanzwe n’ubucuruzi bwa serivisi.
Abahuguwe bishimiye ubumenyi bungutse
Nyirahirwa Dativa, utuye mu Murenge wa Rugendabari, Akagari ka Gasave, Umudugudu wa Nyagasozi yasobanuye ko amahugurwa yamugiriye akamaro kuko yungutse ubumenyi buhagije ku itegurwa ry’umushinga ndetse n’ishyirwa mu bikorwa ryawo. Umushinga yateguye ni uwo kudoda imyambaro y’ishuri y’abanyeshuri biga mu mashuri abanza.
Dativa yemeza ko agendeye ku ifishi y’umushinga yateguye, aramutse ahawe inguzanyo, yakunguka. Abihamya akurikije ko umushinga we, yawuteguye agendeye ku bikenewe aho atuye, kandi akaba nta kibazo afite cyo guhangana n’abakeba ku isoko kuko yungutse ubumenyi ku guhanga udushya twatuma abasha guhangana n’abandi ku isoko ry’ubucuruzi. [...]
Read more...
July 21, 2026Tariki iya 20 Nyakanga 2026, mu Murenge wa Kibirizi, Akarere ka Nyamagabe hatangijwe icyumweru cyahariwe ibikorwa byo kuzirikana MARGRIT FUCHS. Ni icyumweru ngarukamwaka gitangira ku itariki ya 19 kigasozwa ku itariki ya 25 Nyakanga, hagamijwe kwibuka no guha icyubahiro MARGRIT FUCHS witangiye ibikorwa byo gufasha abatishoboye.
Umunsi wo gutangiza icyo cyumweru wabereye mu murenge wa Kibirizi, Akarere ka Nyamagabe witabirwa n’abayobozi batandukanye bo mu nzego z’ibanze ku rwego rw’Akarere no ku rwego rw’Umurenge, abagenerwabikorwa bo mu Murenge wa Kibirizi, Umunyamabanga Nshingwabikorwa wa Bureau Social de Développement n’Uhagarariye Fondation MARGRIT FUCHS mu Rwanda.
Umunsi waranzwe n’ubuhamya bw’abagenerwabikorwa, bashima iterambere bagezeho babikesha ubufasha bahawe na Fondation MARGRIT Fuchs, binyuze mu mushinga wa Bureau Social de Developpement, hamwe n’imurikabikorwa ry’ibikorwa byagezweho n’abagenerwabikorwa.
Abayobozi ku rwego rw’Akarere no ku rwego rw’Umurenge, bashimye uruhare rwa Fondation Margirt Fuchs mu mibereho myiza n’iterambere ry’abaturage, basaba abagenerwabikorwa kubungabunga ibyo bamaze kugeraho.
Abagenerwabikorwa 88 bo mu Murenge wa Kibirizi bamaze imyaka 5 bahabwa ikunga na Fondation MARGRIT FUCHS binyuze mu mushinga Bureau Social de Developpement bashimiwe uruhare rwabo mu iterambere ry’imiryango binyuze mu kuba barakoresheje neza inkunga bahawe, bityo bahabwa icyemezo cy’ishimwe. Ubu bakaba bageze ku rwego rwo gukomeza kwiteza imbere batagendeye ku bufasha bari basanzwe bahabwa.
Uhagarariye Fondation Margrit Fuchs, yagejeje ku bitabiriye uwo munsi ubuzima bwa MARGRIT FUCHS, abamenyesha ko yarangwaga n’indangagaciro z’urukundo n’impuhwe aribyo byatumye yitangira abatishoboye cyane cyane abana bo muhanda n’abana b’imfubyi. Nyuma y’uko yitabye Imana ku tariki ya 25 Nyakanga 2007, azize impanuka y’imodoka ubwo yari avuye gutembereza abana yafashaga mu Nzu ndagamurage y’u Rwanda i Huye, ibikorwa yakoraga byarakomeje bigizwemo uruhare na Fondation yamwitiriwe “FONDATION MARGRIT FUCHS”. [...]
Read more...
May 26, 2026UWIZEYIMANA Theophile, umugenerwabikorwa wa Bureau Social de Développement (BSD), ashima inkunga hamwe n’inguzanyo yahawe, kuko bimaze kugira uruhare mu kumuhindurira imibereho.
Ibi yabitangaje ku itariki ya 18/05/2026, ubwo yasurwaga n’abajyanama b’Akarere ka Muhanga hamwe n’ihuriro ry’abafatanyabikorwa mu iterambere ry’Akarere (JADF) muri gahunda y’isuzuma ry’ibikorwa by’abafatanyabikorwa mu Iterambere ry’Akarere.
Nyuma y’uko abagize itsinda ry’isuzuma, basobanuriwe na BSD ibikorwa igeza ku bagenerwabikorwa bayo mu Mirenge itandatu ikoreramo mu Karere ka MUHANGA, basuye imiryango y’abagenerwabikorwa bo mu Mirenge ya MUHANGA na RUGENDABARI mu rwego rwo kureba koko niba ibikorwa byasobanuwe bigaragara ku bo bikorerwa.
Ibikorwa byarashimwe
UWIZEYIMANA Theophile, umwe mu basuwe, yagaragaje aho ageze mu rugendo rw’iterambere n’imibereho myiza abikesha inkunga yahawe na BSD. Mu nguzanyo nto y’ibihumbi ijana (100.000 Frw) yahawe yakomezemo umushinga muto w’ubucuruzi bwa butiki, aho abona inyungu y’amafaranga ibihumbi birindwi mu cyumweru (7.000 Frw) yavanyemo ayo akoresha mu guhaha. Ibi bikaba byaratumye ava mu bucuruzi butemewe yakoreraga mu muhanda. Abagize itsinda ry’isuzuma bishimiye intambwe amaze gutera mu iterambere ry’umuryango, kuko ubu ariwe utunze umuryango, bitewe n’uko umugabo we yagize ikibazo cy’ubuhumyi.
Mu bundi bufasha BSD yamuhaye harimo korozwa inka, guhabwa ubumenyi mu gukora akarima k’igikoni no gufasha umwana we wiga mu mashuri abanza, aho ahabwa inkunga y’ibikoresho by’ishuri, ibikoresho by’isuku, imyambaro y’ishuri hamwe n’imyambaro isanzwe. [...]
Read more...
February 3, 2026Kuva ku itariki ya 26 kugeza ku ya 30 Mutarama 2026, umuyobozi wa Fondasiyo MARGRIT FUCHS, Madamu REGULA Gloor, yagiriye uruzinduko rw’icyumweru mu Rwanda mu rwego rwo gusura ibikorwa iyo Fondasiyo itera inkunga mu Turere dutatu tw’Intara y’amajyepfo, aritwo Muhanga, Kamonyi na Nyamagabe.
Uruzinduko rwe rwabaye umwaya wo kuganira n’abagenerwabikorwa ndetse no kureba iterambere bagenda bageraho. Mu gihe cy’icyumweru, yasuye imwe mishinga Fondasiyo itera inkunga binyuze mu mushinga Bureau Social de Développement, harimo imishinga y’abagore bahawe inguzanyo bo mu Murenge wa Kayumbu mu karere ka Kamonyi, ibigo by’urubyiruko byo mu Karere ka Muhanga na Kamonyi mu mushinga bifite wo gukumira inda zitateganyijwe ziterwa abangavu n’ishuri ribanza rya VUGO ryubatswe na Fondation MARGRIT FUCHS mu murenge wa Nyarusange, Akarere ka Muhanga.
Yasuye kandi imiryango itishoboye yo mu Karere ka Nyamagabe ihabwa inkunga yo gufasha abana kwiga neza asura n’Ibitaro bya Kabgayi Fondasiyo itera inkunga yo gufasha abarwayi.
Umuyobozi wa Fondation MARGRIT FUCHS yishimiye intambwe imaze guterwa n’abagenerwabikorwa, anabashimira uruhare rwabo mu bibakorerwa hagamijwe guhindura imibereho yabo. Abayobozi ku rwego rw’Uturere bashimiye Fondation MARGRIT FUCHS ku nkunga itanga kuko ifite akamaro kanini mu mibereho myiza y’abaturage. [...]
Read more...
December 19, 2025Mu rwego rwo kunoza neza inshingano zabo, aba “mamans volontaires” bo mu Turere Bureau social de Développement ikoreramo aritwo MUHANGA, KAMONYI na NYAMAGABE baganirijwe ku buryo bwo kunoza neza nishingano zabo kugirango ubufasha bwose abana bahabwa na Bureau social de Développement hagamijwe kubafasha kwiga neza no kugira ubuzima bwiza kugirango hirindwe ikintu cyose cyatuma umwana ata ishuri bubagereho ku buryo bunoze.
Nk’uko bisanzwe, aba Mamans volontaires bashinzwe gukurikirana abana bafashwa na Bureau social de Développement kugirango bamenye imibereho yabo ya buri munsi haba ku ishuri ndetse no mu miryago yabo. Bafasha kandi mu gutegura amafunguro abana bafatira kuri « Cantines communautaires » za Bureau social de Développement.
Hagendewe nshingano za « Mamans volontaires » n’uruhare rwabo ku mibereho myiza y’umwana n’umuryango, ku itariki ya 18/12/2025 Bureau Social de Développement (BSD) yagiranye nabo inama bongera kuganirizwa muri rusange ku nshingano zabo, ku micungire ya Cantine Communautaire no ku mikorere y’amatsinda mu gufasha imiryango kwiteza imbere no kwigira.
Muri iyo nama, ba Mamans volontaires 48 bayitabiriye bafashe, ingamba, zo gukomeza kwita ku nshingano no gucunga neza Cantine communautaire kugirango umwana akomeze kwitabwaho ku buryo bwuzuye kandi n’umuryango akomokamo ugere ku iterambere. [...]
Read more...
Abo turi bo
BUREAU SOCIAL DE DEVELOPPEMENT (B.S.D.) ni umuryango utari uwa Leta, washinzwe mu mwaka wa 1992 ufite icyicaro mu Karere ka MUHANGA.
Ibyo dukora
- Gufasha abana bo mu miryango itishoboye
- Ubuzima n’uburezi
- Irerero
- Inguzanyo ziciriritse
- Ubuhinzi n’ubworozi
- Imyuga
- Gusana
Abafatanyabikorwa
