Aider à s’aider
Amakuru
February 3, 2026Kuva ku itariki ya 26 kugeza ku ya 30 Mutarama 2026, umuyobozi wa Fondasiyo MARGRIT FUCHS, Madamu REGULA Gloor, yagiriye uruzinduko rw’icyumweru mu Rwanda mu rwego rwo gusura ibikorwa iyo Fondasiyo itera inkunga mu Turere dutatu tw’Intara y’amajyepfo, aritwo Muhanga, Kamonyi na Nyamagabe.
Uruzinduko rwe rwabaye umwaya wo kuganira n’abagenerwabikorwa ndetse no kureba iterambere bagenda bageraho. Mu gihe cy’icyumweru, yasuye imwe mishinga Fondasiyo itera inkunga binyuze mu mushinga Bureau Social de Développement, harimo imishinga y’abagore bahawe inguzanyo bo mu Murenge wa Kayumbu mu karere ka Kamonyi, ibigo by’urubyiruko byo mu Karere ka Muhanga na Kamonyi mu mushinga bifite wo gukumira inda zitateganyijwe ziterwa abangavu n’ishuri ribanza rya VUGO ryubatswe na Fondation MARGRIT FUCHS mu murenge wa Nyarusange, Akarere ka Muhanga.
Yasuye kandi imiryango itishoboye yo mu Karere ka Nyamagabe ihabwa inkunga yo gufasha abana kwiga neza asura n’Ibitaro bya Kabgayi Fondasiyo itera inkunga yo gufasha abarwayi.
Umuyobozi wa Fondation MARGRIT FUCHS yishimiye intambwe imaze guterwa n’abagenerwabikorwa, anabashimira uruhare rwabo mu bibakorerwa hagamijwe guhindura imibereho yabo. Abayobozi ku rwego rw’Uturere bashimiye Fondation MARGRIT FUCHS ku nkunga itanga kuko ifite akamaro kanini mu mibereho myiza y’abaturage. [...]
Read more...
December 19, 2025Mu rwego rwo kunoza neza inshingano zabo, aba “mamans volontaires” bo mu Turere Bureau social de Développement ikoreramo aritwo MUHANGA, KAMONYI na NYAMAGABE baganirijwe ku buryo bwo kunoza neza nishingano zabo kugirango ubufasha bwose abana bahabwa na Bureau social de Développement hagamijwe kubafasha kwiga neza no kugira ubuzima bwiza kugirango hirindwe ikintu cyose cyatuma umwana ata ishuri bubagereho ku buryo bunoze.
Nk’uko bisanzwe, aba Mamans volontaires bashinzwe gukurikirana abana bafashwa na Bureau social de Développement kugirango bamenye imibereho yabo ya buri munsi haba ku ishuri ndetse no mu miryago yabo. Bafasha kandi mu gutegura amafunguro abana bafatira kuri « Cantines communautaires » za Bureau social de Développement.
Hagendewe nshingano za « Mamans volontaires » n’uruhare rwabo ku mibereho myiza y’umwana n’umuryango, ku itariki ya 18/12/2025 Bureau Social de Développement (BSD) yagiranye nabo inama bongera kuganirizwa muri rusange ku nshingano zabo, ku micungire ya Cantine Communautaire no ku mikorere y’amatsinda mu gufasha imiryango kwiteza imbere no kwigira.
Muri iyo nama, ba Mamans volontaires 48 bayitabiriye bafashe, ingamba, zo gukomeza kwita ku nshingano no gucunga neza Cantine communautaire kugirango umwana akomeze kwitabwaho ku buryo bwuzuye kandi n’umuryango akomokamo ugere ku iterambere. [...]
Read more...
November 7, 2025Abagenerwabikorwa b’inguzanyo zicirirtse ba Bureau Social de Développement (BSD) bo mu Turere twa Muhanga na Kamonyi bahawe ubumenyi mu gukora igenamigambi n’ingengo y’imari y’umuryango hibandwa ku byihutirwa kurusha ibindi.
Amahugurwa yo kubongerera ubumenyi yahawe abagenerwabikorwa 292. Mu bumenyi bahawe harimo uburyo bunoze bwo gukora ingengo y’imari y’umuryango badasesaguye umutungo w’urugo. Kuba aya mahugurwa ahabwa abagenerwaikorwa ni uko mu gihe umugenerwabikorwa atamenye gukora igenamigambi ry’umuryango usanga bigorana no gukora igenamigambi ryagutse rimufasha kwiteza imbere akoreshe inguzanyo ziciriritse ahabwa na BSD.
Amahugurwa yabaye ingirakamaro ndetse bamwe mu bagenerwabikorwa batari basanzwe bakoresha inguzanyo nabo bifuje guhabwa inguzanyo kugirango bashobore kuzamura iterambere ry’imiryango yabo. [...]
Read more...
January 10, 2025Imiryango 151 y’abagenerwabikorwa bafashwaga na BSD mu bice bya Kumukenke na Rugendabari ho mu Karere ka MUHANGA, basoje icyiciro cyo gufashwa binjira mu cyiciro cyo kwiteza imbere badategereje inkunga ya BSD. Ni imiryango yari imaze imyaka igera kuri itanu cyangwa irenga kandi yaramaze kubona ibyiciro byose by’inkunga BSD igenera imiryango itishoboye hagamijwe kuyivana mu bukene ikiteza imbere.
Ni muri urwo rwego, mu kwezi k’Ukuboza 2024. Hateguwe igikorwa cyo gusoza inkunga iyo miryango yagenerwaga, hanatangwa impamyabushobozi ku miryango mu rwego rwo kuyishimira kuba yaracunze kandi igakoresha neza inkunga yahawe.
Mu muhango wo gushimira iyo miryango, abagenerwabikorwa basoje icyiciro cyo gufashwa bashimiye BSD ku nkunga yabahaye, bahamya ko yabagiriye akamaro ndetse ikababera inkingi izabafasha gukomeza gutera imbere.
Abayobozi b’inzego z’ibanze ku rwego rw’Umurenge bashimiye BSD bashimira n’abagenerwabikorwa kuba baramenye ko inkunga bahabwa itazahoraho bityo bakayikoresha neza.
Ibyo byashimangiwe kandi n’Umunyamabanga Nshingwabikorwa wa BSD, Madamu MUTAKWASUKU Yvonne, wavuze ko inkunga BSD itanga ku bagenerwabikorwa idahoraho, ahubwo ari iyo kubafasha kwifasha nk’uko biri mu ntego ya BSD yo “Gufasha kwifasha”. [...]
Read more...
December 23, 2024Kuva ku itariki ya 12 kugeza ku itariki ya 29 Ugushyingo 2024, abagore bafashwa ba Bureau Social de Développement (BSD) binyuze muri gahunda yo kabaha inguzanyo iciriritse hagamijwe kubafasha gushyira mu bikorwa imishinga ibyara inyungu bahawe amahugurwa agamije kubngerera ubumenyi ku mitergurire y’imishinga.
Amahugurwa yahawe abagenerwabikorwa bo mu Murenge wa KAYUMBU wo mu Karere ka KAMONYI, Umurenge wa MUSHISHIRO wo mu Karere ka MUHANGA n’Umurenge wa CYANIKA wo mu Karere ka NYAMAGABE. Amahugurwa yitabiriwe n’abagore 282, ahi buri tsinda ryahugurwaga iminsi ine. [...]
Read more...
Abo turi bo
BUREAU SOCIAL DE DEVELOPPEMENT (B.S.D.) ni umuryango utari uwa Leta, washinzwe mu mwaka wa 1992 ufite icyicaro mu Karere ka MUHANGA.
Ibyo dukora
- Gufasha abana bo mu miryango itishoboye
- Ubuzima n’uburezi
- Irerero
- Inguzanyo ziciriritse
- Ubuhinzi n’ubworozi
- Imyuga
- Gusana
Abafatanyabikorwa
